CARNEVAL

AMMEZEERT UUCH!

Geplaatst op 28 februari 2014

In de carnevalsweek – vaan maondag 3 t/m vriedag 7 miert – wèrke veer door, meh neet op volle krach. ’t Tunnelwerk in de bouwkuup langs de N2 en bij de Geusselt geit beveurbeeld gewoen door, meh ’t werk aon de weeg en de kunswerke ligk zoe good wie stèl. ’t Informatiecentrum A2 Mestreech is op carnevalsmaondag, -dinsdag en -goonsdag geslote. Deze maond gief ’t dus ouch gein aovendopestèlling. Ouch bij A2 Mestreech wèrke jummers vastelaovendsvierders. En dat gelt neet allein veur de Limbörgers oonder us; ouch sommege ‘Hollandse’ collega’s höbbe de smaak oondertösse te pakke. Zoe is euze collega Joris Beerepoot, dee mèt zien femilie verhuisde nao Mestreech, lid gewore vaan vastelaovendsvereineging de Mineurs.
 
Veer winse ederein hiel väöl plezeer de koumende daog! Goejt uuch dedoor!
Mèt daank aon Veldeke krink Mestreech